ავეჯი, რომელიც თქვენს
ინტერიერზეა მორგებული
2019 წლიდან ვქმნით პრემიუმ ხარისხის ავეჯს ადგილობრივი საწარმოთი, ქართული გუნდით.
ერთი სკამიდან — მთელ კოლექციამდე
2019 წლის დეკემბერში „სკამი” ერთი მარტივი დაკვირვებით დაიბადა: ქართულ ბაზარზე არ არსებობდა ავეჯის მწარმოებელი, რომელიც მომხმარებელს საშუალებას მისცემდა თავისი ინტერიერის მიხედვით აერჩია სასურველი ხის ფერი და ქსოვილი — ზედმეტი თანხის გადახდისა და ხანგრძლივი ლოდინის გარეშე.
ჩვენი მიდგომა თავიდანვე განსხვავებული იყო: არა ბევრი მოდელი მინიმალური არჩევანით, არამედ ყოველი მოდელი — მაქსიმალური პერსონალიზაციით. მომხმარებელი არჩევს ხის ფერს, ქსოვილს და ზომას, ხოლო ჩვენ ვქმნით ზუსტად იმას, რაც მის სივრცეს სჭირდება.
რაც ერთ მოდელზე დაიწყო, დღეს სრულ კოლექციად იქცა — სკამებიდან, მაგიდებით, რბილი ავეჯით და სახლის სხვა ავეჯით დასრულებული.
ხელოსნების ქალაქიდან — თქვენს სახლამდე
ჩვენი საწარმო მდებარეობს თბილისში, ავჭალაში — ხელოსნების ქალაქში. აქ, ერთ სივრცეში თავმოყრილია დიზაინიდან დამზადებამდე მთელი პროცესი: ხის დამუშავება, ლაქირება, გადაკვრა და ხარისხის კონტროლი.
ყოველი ნივთი, რომელიც ჩვენი საწარმოდან გამოდის, გადის ხელოსნის თვალისა და ხელის კონტროლს — ტექნოლოგიურ სიზუსტესთან ერთად.
50 ადამიანი. ჭკვიანური გადაწყვეტები.
ჩვენთვის ინოვაცია არ ნიშნავს მულტიმილიონიან დანადგარებს. ინოვაცია ნიშნავს ჭკვიანურ გადაწყვეტებს — ისეთებს, რომლებიც 50-კაციან გუნდს საშუალებას აძლევს აწარმოოს იმ მასშტაბით, რაც დიდ ქარხნებს შეშურდებოდა.
CNC და ლაზერული დანადგარები, ავტომატური მოხვეწისა და ღებვის აპარატები, კუსტარული და ტექნოლოგიური პრესები, საკუთარი საწარმოო პროცესების მართვის სისტემა — ყოველი მათგანი ჩვენს წარმოების გამოცდილებას ტექნოლოგიური სიზუსტით აძლიერებს.
შედეგი? მომხმარებელი კომფორტშია, წარმოება რითმშია და ხარისხი — კომპრომისის გარეშეა.
რას ვქმნით
გავხდეთ საქართველოში ავეჯის ინდუსტრიის სტანდარტის მაწარმოებელი — ისეთი, რომელზეც მომხმარებელი, დიზაინერი და ბიზნესი ერთნაირად ენდობა.
ყოველწლიურად გავამარტივოთ მომხმარებელთან კომუნიკაცია ტექნოლოგიური გადაწყვეტებით, შევუქმნათ სასიამოვნო გამოცდილება და მოვუგვაროთ პრობლემები — კვალიფიციურ ზრდაზე მუდმივი ორიენტაციით.
მომხმარებელი არ უნდა დაზარალდეს. ეს არის ჩვენი მთავარი პრინციპი. თუ ჩვენი მიზეზით პრობლემა წარმოიქმნება, მომხმარებელი მოგებული უნდა დარჩეს — დამატებითი საჩუქრით, სერვისით ან კომპენსაციით.
ნახე, გამოსცადე, აარჩიე
თბილისი
ორშ-პარ: 12:00-19:00 · შაბ-კვ: 12:00-18:00
032 212 10 90
იმიტომ, რომ ჩვენთვის ყოველი
დეტალი მნიშვნელოვანია
6 წლის განმავლობაში 10 ათასამდე ინტერიერი გავალამაზეთ ქართული წარმოების ავეჯით. გვქონია გამოწვევებიც — მაგრამ ჩვენი სიამაყის საფუძველი ის არის, რომ მომხმარებელი არასოდეს რჩება წაგებული. თუ ჩვენი მიზეზით პრობლემა წარმოიქმნება, ყოველთვის ვცდილობთ მომხმარებელმა მიიღოს მეტი, ვიდრე ელოდა — საჩუქრით, დამატებითი სერვისით ან კომპენსაციით.
სწორედ ეს გვხდის განსხვავებულს.